Zuhaitz Gurrutxagak FutbolisTOK bakarrizketa saioa eskainiko du abenduaren 5ean, Baztartxo antzokian. Duela bospasei urte Confidencias de un futbolisto lanarekin aritu zen herriz herri eta antzokiz antzoki futbolari ohi eta telebistako aurkezlea, eta agertokietara itzuli da orain FutbolisTOK izeneko euskarazko bakarrizketarekin.
Abenduaren 5ean izango da emanaldia, baina oraindik ez dute jakinarazi zein ordutan izango den, ezta bakarrizketa ikusteko sarrerak non eta noiz jarriko dituzten saltzen ere. Gurrutxagak Espainiako Lehen Mailan futbolean aritu zeneko bizipenak izango ditu hizketagai.