Urrategi auzoko pinudi batean sua piztu da gaur, asteartea. Ertzaintzak Maxixatzen.eus-i emandako informazioaren arabera, 14:45ean jaso dute sutearen abisua, eta 15:30erako lortu dute suhiltzaileek sua baretzea. Une honetan kontrolpean dute sua suhiltzaileek, eta ez da inor zauritu ezbeharrean.
Errepidetik 400 metrora dagoen pinudi batean izan da sua; erreketa bat berpiztea izan liteke sutearen arrazoi nagusia Ertzaintzaren informazioaren arabera. Suhiltzaileak, Ertzaintza eta Gipuzkoako Foru Aldundiko basozainak gerturatu dira ezbeharraren lekura.
