Ezkutuko Altxorrak egitasmoaren barruan bisita gidatua izango da igandean, hilak 9, Azkoitian. Aittolatik hasi eta Xoxotera joango dira bisitariak, eta Vicente Davilak Loiolako Inazioren inguruko hainbat argibide emango ditu bisitan zehar. Horrez gain, Izarraitz mendikatearen balio natural eta etnografikoez ere arituko da hizlaria.
Bisitan izen-ematea doakoa da, baina interesatuek aurrez eman beharko dute izena 943-15 18 78 telefonora (Loiolako informazio bulegoa) deituta edo info@tierraignaciana.com helbidera idatzita.