Azkoitiko Udalak Ibaiondo kaleko 18. zenbakitik Martin Deuna kaleko 5. zenbakira arteko errepidea asfaltatuko du, eta atzo, asteartea, hasi zen horretan. Lanek irauten duten bitartean txandakako zirkulazioa ezarriko dute ibilgailuentzat, trafikoa bi norabideetan moztu beharrik ez izateko.
Udalak Asfaltos Urretxu enpresari esleitu dizkio hobekuntza lanak, eta 48.201 euroko aurrekontua izango dutela jakinarazi du.