Bihar jokatuko da Galarretaren 50. Urteurrenaren Txapelketako finalaurrekoa, Galarreta pilotalekuan bertan, eta Iban Larrañaga azkoitiarra finalerako txartelaren bila ariko da, Ansa II.arekin bikotea osatuta; Urriza eta Zubiri izango dituzte aurrean nafarrak eta azkoitiarrak. Juanenea-Endika bikotearen kontrako jokatuko dute finala biharko irabazleek.
Atzo aukeratu zituzten finalaurrerako pilotak. Oriamendi 2010 enpresaren argazkian, bi bikoteek aukeratutako pilotekin ageri dira finalaurreko lau protagonistak; ezkerretik hasita aurrena da Larrañaga.
15:15ean hasiko da biharko jaialdia Galarretan, eta bigarren partida izango da finalaurrekoa.