Xabier Madariaga kazetariak aurkezten duen ETB1eko Ur Handitan saioak alarma egoerari bukaera eman nahi izan dio Azkoitian. Astearte honetako programan erakutsiko dute, besteak beste, Bulego musika taldeak joan den ekainaren 20an 'Herria berpizten' lelopean Oteiza pilotalekuetan eskaini zuen kontzertua. Gainera, atal horretan parte hartuko dute partaide azkoitiarrek, taldearen berri emateko. Bihar, asteartea, 22:30ean emango dute saioa, ETB1en. Bestalde, Ur Handitan programaren denboraldiko azken saioa izango da uztailaren 7koa.
Hemen biharko atalaren aurrerapen bideoa: