Iker Murua (Azkoitia, 1990) futbol jokalari azkoitiarrak Espainiako Bigarren B Mailan lehiatzen duen Getxoko (Bizkaia) Arenas Club taldean jokatuko du datorren denboraldian. Murua Hirugarren Mailako Gernika taldean aritu da azken denboraldian, eta orain Bigarren B Mailara egingo du jauzia, lehen aldiz.
Azkoitiko Anaitasuna futbol taldeko jokalari ohiak, Lagun Onak eta Sestao River taldeetan jokatu zuen Gernikara joan aurretik. Iaz 23 partidetan parte hartu zuen erdiko atzelari azkoitiarrak, eta hiru gol egin zituen Sodupe, Deusto eta Ariznabarra taldeen aurka.