Azkoitiko gasolindegiek koronabirusaren aurkako protokoloa jarri dute martxan. Zerbitzua eskura ordaintzen den gasolindegian, Ibaiondo kaleko Avia gasolindegia kasu, herritarrek ezingo dute ibilgailutik irten; barruan gelditu beharko dute. Hori horrela, gasolindegiko langilea gerturatuko da bezeroaren ibilgailura, eta hark behar duen zerbitzuari buruz galdetuko dio.
Zerbitzuaren ordainketa egiteko ere neurri berdina hartu dute Avia gasolindegian. Gasolindegiko langileak kobratuko dio herritarrari; bezeroek ezingo dute autotik irten ordainketak egiteko. Horri lotuta, ordainketa txartelen bidez egiteko eskatu dute arduradunek.