Goma gaineko Euskal Herriko sokatira txapelketa Azkoitian hasi da gaur, larunbata. Gurea pilotalekuan jokatu dute txapelketako lehen jardunaldia gizonek nahiz emakumeek. 17:00etatik aurrera jokatuko dute txapelketaren lehen jardunaldia, Gurea pilotalekuan. Emakumeetan nahiz gizonezkoetan Lesakako (Nafarroa) Beti-Gazte sokatira taldekoak izan dira txapeldunak.
Ibarra, Beti-Gazte, Txantrea, Badaiotz eta Gaztedi taldeak aritu dira emakumeetan, eta guztiek guztien aurka jokatu dute. Gizonetan zortzi talde lehiatu dira, eta horiek guztiek ere elkarren aurka jokatu dute; kasu honetan, Ibarra, Beti-Gazte, Goiherri, Zuraide A, Zuraide B, 6 Conceyos, Abadiño eta Murueta taldeak artu dira nor baino nor.