Etzi, ostirala, Bizkargi musika eskolako ikasleek Gabonen atariko kontzertu berezia eskainiko dute. Hain zuzen ere, ikasturteko lehen hiruhilekoan ikasitakoa erakutsiko dute klarinete ikasleek eta banda gazteko kideek, Gorka Errezilen gidaritzapean. Gabonetako doinuak eskainiko dituzte batez ere, baina bestelakorik ere entzun ahal izango da. Kontzertua 18:30ean hasiko da, Elkarguneko areto handian.