'Ezagutu Azkoitiko Altxorrak' egitarauaren baitan, eta Udaleko Ondar eta Turismo zinegotzia den Juan Bautista Mendizabalek gidatuta, gune historiko monumentala eta parrokia ezagutzeko aukera izango da.
Bihar, abuztuak 3, eguerdiko 12:00etan, parrokiatik abiatuta, bisita gidatua egingo da gune monumentala ezagutzeko eta etzi, igandean, parrokian bertan izango da bisita eguerdiko 12:00etan.
Azkoitiko altxorrak ezagutzeko antolaturiko bisita gidatu horiek doakoak dira eta ez dago aurrez izena eman beharrik. Beraz, nahikoa izango da interes gunera gerturatzearekin.
Halaber, bihar, 11:00etan parrokia zabalduko da bisitatu nahi dutenentzat.