18:30ean hasiko da lasterketa, baina 17:00etan irekiko dute dortsalak jasotzeko mahaia, eta ordu berean zabalduko da box gunea ere. Korrika 2,1 kilometro egin beharko dituzte parte hartzaileek, eta bizikleta gainean bost kilometro egin ondoren, 700 metroko ibilbidea egingo dute proba amaitzeko. Plazaberritik abiatuta, Kale Nagusia eta Ibaiondo zeharkatuko dituzte, gero berriz Plazaberrira itzultzeko. Ibilbidearen aldaketa horiekin, «probaren nondik norako zehatzagoa ahalbidetzea» eta «parte hartzaileek zaleen gertutasuna sentitzea» nahi du antolakuntzak. Antolatzaileek azaldu dutenez, Elkargunean dutxatzeko aukera izango da, eta horretarako, harreran dortsala erakutsi beharko da. Sari banaketa eta zozketa 20:00etan egingo dute.
12:00etan itxi da arratsaldean Azkoitian jokatuko den VI. Duatloi Herrikoian izena emateko epea. Atzo, osteguna, 41 lagun zeuden izena emanda, eta bederatzi plaza besterik ez ziren gelditzen parte hartu ahal izateko; 34 gizon eta 7 emakumek eman dute izena orain arte. Azkoitiko parte hartzailek 29 dira.