Udalak enpresa bakoitzari emango dion gehienezko diru laguntza urteko 2.000 eurokoa izango da, eta Jaurlaritzak xede berarekin emandako diru laguntzaren osagarri izango da. Diru laguntza eskatzeko bete beharreko baldintzak dira, besteak beste, enpresaren egoitza soziala eta fiskala Azkoitian izatea eta euskara plana diru laguntza ematen den ekitaldian diseinatutakoa izatea, edo aurreko urteetan diseinatu arren, urte horretan garatzen aritzea.