Urte batzuk geldirik egon ostean, gaur, uztailak 8, hasiko da Zakela eta Dean herriko plazako tabernek presoen alde antolatutako pala txapelketa. Hogei bikotek eman dute izena, eta bost bikoteko lau talde osatu dituzte. Aurten, gainera, lehen aldiz parte hartuko dute txapelketan emakumeek.
Multzoko aurkari guztien aurka jokatu beharko du bikote bakoitzak, lau partida guztira. Multzo bakoitzeko lehenak uztailaren 25ean jokatuko diren finalerdietarako sailkapena lortuko du; finala, berriz, uztailaren 26an jokatuko dute. Gaur hasiko dira, beraz, partidak Goiko Losan. Astelehenetik ostegunera bitartean, 18:30ean, 19:30ean, 21:30ean eta 22:30ean jokatuko dituzte partidak.