Sostenipe talde feministak deituta, elkarretaratzea egingo dute 19:00etan, herriko plazan. Atzo Bardozen (Lapurdi) ustez izan zen erailketa matxista salatuko dute. Adineko bikote bat hilik aurkitu zuten Bardozeko etxe batean. Poliziaren hipotesi nagusia da gizonak emaztea hil zuela, eta bere buruaz beste egin, tiroz; gizonak 90 urte zituen, eta emakumeak, 72.
«Ozen eta argi esan nahi dugu bat erasotzen duten bakoitzean guztiok erasotzen gaituztela», azaldu dute talde feministatik. Erasorik ez erantzunik gabe! Emakumeok autodefentsa feminista lemapean egingo dute elkarretaratzea.