Ostiralean, maiatzak 31, Zegama-Aizkorri mendi lasterketaren V. Kilometro Bertikala jokatu zen. Joseba Diaz mendi lasterkari azkoitiarra helmugara iristen laugarrena izan zen, lehen euskalduna. 39 minutu behar izan zituen azkoitiarrak proba bukatzeko, irabazleak baino bi minutu eta 48 segundo gehiago.
Zegamatik abiatu eta 2,2 kilometroko proba burutu behar izan zuten. 1.520 metrotan aurkitzen den Iraule gainean amaitu zuten proba. 250 lasterkari inguruk parte hartu zuten lasterketan.