Igandean amaituko da Pelotai Euneko bazkarirako txartelak erosteko epea. Berdura plazan egingo dute aurtengo bazkari herrikoia, eta bertan parte hartzeko Kontzejupean izango dira antolatzaileak txartelak saltzen ostegunean, ostiralean eta zapatuan. Halaber, Dean eta Tta-kun tabernetan ere eskuragarri daude txartelak. Bazkaltzeko entsalada, errusiar entsalada, oilaskoa, ogia eta postrea eskainiko dituzte, eta sagardo txotxa ere jarriko dute.