Joan den zapatuan, maiatzak 25, ospatu zen Trintxerpen 64. Bikote Gaztetxoen Dantza Sueltoko Gipuzkoako Txapelketa. Azpeitiko, Lezoko, Oiartzungo, Hondarribiko, Pasai Donibaneko, Zestoako eta Gasteizko hamalau bikotek parte hartu zuten, eta txapela Azkoitiko Bizkargi Musika eta Dantza Eskolako Itziar Bastida eta Anaitz Lizartza dantzari azpeitiarrek irabazi zuten. Nahiz eta eguraldiak asko lagundu ez, jende asko bildu zen eta gozatu ederra hartu zuten gazteen dantza saioekin.