Palista azkoitiarrek gertuago dute Gipuzkoako Herriarteko Txapelketako finalerdia, joaneko partidak Anoetan bat eta bi irabazi ondoren. Iker Epeldek 6 eta 20 irabazi zuen buruz buru. 8 eta 20 irabazi zuten Jokin Aizpuruk eta Igor Juaristik binaka. Markos Azpirozek 20 eta 12 galdu zuen zazpi koadroren barruan jokatutako partida.
Datorren asteburuan jokatuko dituzte itzulerako neurketak, Gurea pilotalekuan. Finalerdietarako sailkapena lortuz gero, Hernani-Andoain kanporaketako garailearen aurka jokatu beharko du Azkoitiak.