Hauteskunde hauetara aurkezten diren lau alkategaietatik bi izango dira mahai inguruan: Ainara Goenaga (EH Bildu) eta Jose Joakin Etxaniz (Azkoitia Bai). Beste alkategaiak ere gonbidatu ditu Maxixatzenek, baina arrazoi desberdinengatik uko egingo diote gonbidapenari.
Mahai ingurua Imanol Elezgarai kazetariak moderatuko du. Lehen ordubete inguruan gai zehatz batzuen inguruan hitz egingo eta eztabaidatuko dute. Ondoren, aukera emango zaie bertaratutakoei alkategaiei galderak luzatzeko.
Elkarrizketa digitalak alkategaiekin
Hauteskundeekin lotuta, datorren astean elkarrizketa digitalak egingo ditu Maxixatzenek alkategaiekin. Horretarako, herritarrek galderak bidaltzeko aukera jarriko da webgunean. Lehendabizi Ainara Goenagaren (EH Bildu) txanda izango da, bihar, hilak 22, 18:00etan. Etzi, hilaren 23an, Jose Joakin Etxanizek (Azkoitia Bai) hartuko du erreleboa, 18:00etan. Gainerako bi alkategaiak ere gonbidatu ditu Maxixatzenek, baina arrazoi desberdinengatik uko egin diote gonbidapenari.
Dagoeneko bidal daitezke galderak alkategaiei, beheko loturen bitartez: