Datorren zapatuan, maiatzak 18, EBA Ligara igotzeko igoera faseko lauko finala hasiko dute Elkargunean. Iraurgi Saski Baloi taldearen Disdira Bitxitegia taldea, Atletico San Sebastian, Tabirako Baque eta Hernani Tecnun taldeak lehiatuko dira Azkoitian.
Zapatuan, 16:00etan, ISB taldearen Disdira Bitxitegia eta Atletico San Sebastian taldeek neurtuko dituzte indarrak. Partida hori amaitu bezain laster, 18:00etan, Tabirako Baque eta Hernani Tecnun taldeak arituko dira Elkarguneko kantxa nagusian. Bi partidetako irabazleek igandean, maiatzak 19, 11:45ean jokatuko dute finala eta irabazleak EBA Ligarako igoera lortuko du.