Andoain da Azkoitiaren Herriarteko Txapelketako final zortzirenetako aurkaria. Amasa-Villabonaren aurka aise nagusitu dira andoaindarrak, guztira bat eta bost irabazita. Amasa-Villabonan bat eta bi nagusitu ziren andoaindarrak. Joan den asteburuan, berriz, Andoainek hiru eta huts menderatu zuen Amasa-Villabona.
Joaneko partidak Andoainen jokatuko ditu Azkoitiak, ostiralean 20:00etan. Handik emaitza ona ekartzen ahaleginduko dira pilotari azkoitiarrak, maiatzaren 24an, ostirala, final laurdenetarako sailkapena lortzeko. Azkoitiak aurrera eginez gero, Altzo-Oñati kanporaketako herri irabazlearen aurka jokatu beharko du.