Juan Bautistak hainbat istorio kontatu ditu komentuko aldaretik eta 30 bat lagunek adi-adi jarraitu dituzte. Ondoren, klaustroa bisitatu dute, eta han ere hainbat kontu azaldu ditu Mendizabalek.
Santa Klara XVII. mendeko aldi mistikoan horrelako komentuek izan zuten hedapen handiaren irudikapen klasikoena da. Felipe II.aren kontseilari izan zen Francisco de Zuazolak bultzatuta, Juan de Valencia arkitektoak parte hartu zuen komentuaren diseinuan. Eraikina osorik kontserbatzen da, eta Loiolako Ibero maisuen klaustro eta erretaula gordetzen ditu.