Bihar, apirilak 5, da Ene Kantaken 'Satorjator' musika ikuskizunerako sarrerak erosteko azken eguna. Gazte Zerbitzuak jakinarazi du 80 sarrera inguru gelditzen direla hurrengo zapatuan, apirilak 13, Baztartxon eskainiko duten ikuskizunerako. Joan den astelehenean jarri zituzten sarrerak salgai, eta martxa onean saldu dira. Sarrera bakoitzaren prezioa lau eurokoa da.
Azkoitiko 'Satorjator' emanaldian Eneko eta Nerea bidaia magiko berri batean murgilduko dira; oraingo honetan Lur planetaren bihotzera. Lur azpian aitatxik emandako mapa bati esker altxor magiko bat bilatuko dute eta bertan lagun berriak eta aspaldiko bat topatuko dute. Beldurrari eta hango abenturei aurre egingo diete abesten eta dantzan. Gainera mugikorrekin ematen dugun gehiegizko denborari, hausnarketa egingo diete gailu horien fundamentuzko erabilera bultzatuz eta jolasteko galtzen dugun orduak kritikatuz. Irriz eta musikaz betetako antzerkia da 'Satorjator' ikuskizuna.