Joan den zapatuan Iraurgi eta Bizkargi abesbatzek eman zioten hasiera XX. Taldez-taldeko edizioari. Datorren igandean, martxoak 31n, euskal musika tresna desberdinak eta dantzariak ikusteko aukera izango da Kontzejupean, 12:30ean. Bizkargi Musika eta Dantza Eskolako abeslariak, dantzariak, trikitilaria, pandero jotzaileak eta txistulariak igoko dira Kontzejupeko agertokira. Hona hemen datorren igandeko egitaraua:
Txistu taldea - Zazpi jauzi
Dantzariak - Agintariena, Gorulariak eta Txontxongilo
Trikitixa taldea - Ur gainean eta Gizaburuaga
Dantzariak - Agurra eta Makil txiki
Pandero taldea - Porrusalda
Dantzariak - Iturengo zortzikoa eta Imotzeko esku dantza
Trikitixa taldea - Berdea eta urdina
Hurrengo asteburuan azkena
Apirilaren 7an amaituko da aurtengo edizioa. Musika Eskolako Gazte Orkestra eta Herriko Musika Banda izango dira protagonistak. Azken emanaldia ere Kontzejupean izango da, 12:30ean.