Altzibar auzoan Elosukorta parean jarri dituzte zubia osatuko duten piezak, han izango baitu pasabideak alde bat. Behin zubia eraikitakoan, Jausoro auzoan Txuri Urdin elkartearen parean geldituko da pasabidearen beste aldea. Egurrezko aurrefabrikatutako zubia da bi auzoak elkartzen dituena. 26 metro luze ditu eta lau metro zabal. Oinezkoentzako zein txirrindularientzako errail bana du pasabide berriak, eta horrela, Altzibarko eta Jausoroko bidegorriak lotuko ditu. Lanen kostua 174.600 euro ingurukoa izan da, eta Urbycolan enpresa arduratu da lanekin.