Astelehenean, 21:30etatik aurrera, Orioko Oliden, Elgoibarko (Gipuzkoa) Soarte, Errenteriako (Gipuzkoa) Matxain eta Laudioko (Araba) Galder Bolaño ariko dira probalekuan. Asteartean, berriz, 22:00etatik aurrera, Asteasuko (Gipuzkoa) Barriola, Aiako Izeta eta Mungiako (Bizkaia) Iñaki Lopategi lehiatuko dira.
Idi pareek 1.600 kiloko Ipintza harria eraman beharko dute, gutxienez. Eta 1.100 kilotik pasatzen diren idiei kilo bakoitzeko kilo eta erdi gehiagoko zama jarriko zaie harriaren gainean.
Partaide guztiek 30 minutuz bultza beharko diote harriari, eta asteleheneko eta astearteko saioen artean plaza gehien egiten dituenak eskuratuko ditu aurtengo mantak.