1939an Francoren armadak Katalunia okupatu eta Bartzelona jausi ostean, euskal herritarrei bizitzea tokatu zitzaien erbestealdiaren inguruko gorabeherak izan ditu hizpide Iñaki Goioganak. Kontzentrazio esparruez, aterpetxeez eta Eusko Jaurlaritzak erbestealdian egin zuen lanaz jardun du, besteak beste.
Goiogana Errepublika eta gerra garaiko aditua da, eta Sabino Arana Fundazioaren Euskal Abertzaletasunaren Agiritegiaren arduraduna. Gazte Geroak antolaturiko hitzaldi zikloaren baitan, Xabier Madariaga, Xabier Euzkitze eta Leire Arrieta izango dira Azkoitian, datozen hilabeteetan.