Egun Agurainen bizi da Haleema Sadia. Jatorriz pakistandarra da, baina zortzi urtetatik hamabiru urte bete arte Azkoitian bizi izen zen. Pakistandik Azkoitira etorri zenean nabaritu zuen desberdintasunik handiena «askatasuna» izan zela azaldu du saioan. Bere ama eta amona «Pakistanen bezala» bizi direla esan du, «etxetik ia irten ere ez» direla egiten.
Euskara Azkoitian bi-hiru urtean ikasi zuen Sadiak, eta azaldu du gaztelania baino lehen ikasi zuela. Azkoitian «gaztelaniazko hitz bakar bat ere ez» zekiela esan du Sadiak Madariaga aurkezlearen aurrean. Pakistanera «bisitan» joango litzakeela esan du, «baina ez bizitzera». Bere gurasoen erabakiz, ordea, datorren urtean Pakistanera joango da ezkontzera. «Oso pozik» agertu da horregatik.