Urolako trena Zumarraga eta Zumaia udalerriak Urola errekaren haranean lotzen zituen trenbide estuko burdinbidea izan zen. Espainiar estatuko lehen linea elektrikoa izan zen. 1926ko otsailaren 22an inauguratu zuten trenbidea, eta 62 urte beranduago itxi, 1988ko otsailaren 2an.
Horma irudi hori duela urte batzuk margotu zuen tunelean Juaristik, 2012. urtean hain zuzen. Teknika mistoa erabilita margotu zuen lana, eta «Urolako trenaren eta bertan ibilitako guztien omenaldi gisa» margotu zuen. Nolabait, bide horretatik pasatakoan garai hartara bidaiatzeko.