Bide berria Gurutze Gorriko aurreko biribilgunetik barrena izango da, Lidl dendaren eta Ugarte baserriaren arteko errepidetik. Herenegun, asteazkena, egin zen aldaketa, bide zaharra itxiz.
Aldaketak, batik bat, segurtasunarekin du lotura. Bide zaharrak Zabale baserriaren ondotik zuen sarrera eta Zumarraga aldetik zetozen ibilgailuek Elgoibarko errepideko biribilguneraino zeukaten joan beharra bira hartzeko. Oraingo errepideak segurtasuna eta erosotasuna hobetuko ditu. Urbanizazio lanak Lidl kateak ordaindu ditu, hala adostu zutelako Udalak eta konpainiak, supermerkatu berria kokatzeko lursailak saldutakoan.