Maite dutenez inguratuta, Javier Zubizarreta alkatearen bisita izan du, Azkoitiko herriaren izenean zoriontzeko. Meler Huescako Altorricón herrian jaioa da, Lleida probintziarekin muga egiten du udalerriak, eta horixe da alabarekin katalanez hitz egiteko arrazoia. Duela 43 urte etorri zen Azkoitira. Alkateak “Felicitats” esanaz agurtu du eta lore sorta eta oroigarria oparitu dizkio. Melerrek zenbait gomendio eman dizkie ingurukoei: “Bizitzen jakitea da zoriontasuna. Fedea behar da; zerbaitetan sinetsi egin behar da”, gaineratu du emakumeak.
Egun zoriontsua da gaurkoa Montserrat Melerrentzat, bere alaba Isabel eta bilobentzat, eta egoitzan zaintzen duten pertsona guztientzat.
Zorionak!