Gaur, asteazkena, zerua hodeitsu egongo da eta euria egingo du, bereziki ipar partean; hegoaldera nekez iritsiko da euria. Arratsaldetik aurrera tenperaturak behera egingo du, eta elurraren maila jaisten joango da: arratsaldean 1.000 metroan kokatuko da elur maila eta 500-700 metrora jaitsiko da egunaren amaieran; halere prezipitazio gutxi egingo du. Azken orduetan izotza egingo du mendi inguruetan, eta iparraldeko haizea bizi ibiliko da.
Ostegunerako iragarpena
Osteguna hotza etorriko da eta elurraren maila nahikoa baxua izango den arren, ez du elur asko egingo. Prezipitazioa, bereziki goizaldean eta goizean goiz egingo du, 200-500 metro inguruko elur-kotarekin, baina prezipitazio kopurua txikia izango da. Eguerditik aurrera eta ekialdetik hasita, eguraldiak atertzera eta argitzera egingo du. Egunaren amaieran ostarte zabalak irekiko dira, asko hoztuko du eta izotza bazter askotan egin dezake.