Soma Cult taldeak bere aurreneko maketa kaleratu du. Lanaren lehen kopiak kalean dira, eta euren kontzertuetan eta Beasaingo Irizar tabernan erosteko aukera izango da. Azkoitiko Jose Mari Unanuek eta Azpeitiko eta Beasaingo beste bi musikarik osatzen dute Soma Cult taldea.
2017 urte bukaeran jaio zen taldea, eta 60ko eta 90eko hamarkadadetako psychodelia, pop eta grunge musika nahasten dituzte. Datozen asteetan, gainera, hainbat kontzertu eskainiko du taldeak. Bihar, urtarrilak 4, Leitzako gaztetxean izango dira eta urtarrilaren 18an Urretxu-Zumarragako gaztetxean.