15:30ean hasiko da txapelketa Zurt tabernan. Lau erregetara, hiru usteletara eta lau hamarrekotara jokatuko dute txapelketa, eta antolatzaileek jakinarazi dute izen ematea aurrez egitea komeni dela. Bikote txapeldunak 600 euro eta txapela eskuratuko ditu, txapeldunordeek 250 euro jasoko dituzte, hirugarrenek arkumea eta bi ardo botila eta laugarren bikoteak urdaiazpikoa eta bi ardo botila jasoko ditu.