Baserritar jantzia soinean, ehundaka haur aterako dira kalera, Gabon eskean aritzera. Batzuk euren kasa aterako dira lagunekin, beste batzuk, berriz, eskolako zein ludotekako ordezkaritzarekin. 10:30ean, ordea, jaiotza eramangarrien lehiaketako sari banaketa egingo dute, Kontzejupean.
12:00etan, opariak banatu aurreko azken bisita egingo du Olentzerok Azkoitian. Herrixen Azkoitiko Dendaixen Elkarteak antolatuta, eliz atarian izango da Olentzero aurten ere, herriko txikienen azken eskutitzak jaso, gozokiak banatu eta argazkiak ateratzeko.
Arratsaldean, berriz ere musikak eta ahotsak hartuko dute protagonismoa. 18:30ean, Udal Musika Bandak eta Iraurgi Abesbatzak gabon kanten urteroko eskainiko dute, Kontzejupean. Halaber, karten joko tradizionala ere egingo dute herriko tabernetan. 18:30ak inguruan hasiko da karten jokoa, eta etxera opariak eramateko aukera izango dute herritarrek. Abenduaren 31an ere errepikatuko dute tabernariek karten jokoa.