Izena aurrez ematen dutenek hamar euro ordaindu beharko dute, eta egunean bertan, lasterketa hasi baino ordubete lehenagora arte, hamabost euro. Izena ematen duten guztiek kamiseta jasoko dute opari.
Lasterketa 16:30ean herriko plazan hasiko da, eta leku berean amaituko da. Urteroko ibilbidea izango du probak. Lehendabizi, itzuli txiki bat egingo dute herri barruan, eta, gero, bi itzuli handi egingo dituzte. Guztira, hamar kilometro egin beharko dituzte korrikalariek. Proban parte hartzeko, 16 urte izan behar dira gutxienez, 2018ko azaroaren 24a baino lehen beteak.