Joan den igandean lehen fasea jokatu zen Gasteizko Ogeta pilotalekuan. Kanporaketan 80tik 50 sailkatu ziren; tartean, Amaia Aizpuru pilotari azkoitiarra. Igande honetan, urriak 28, 50etik 16 pilotari pasatuko dira aurrera. Abadiñoko pilotalekuan jokatuko dituzte partidak, 16:30ean.
Aizpururen multzoan dauden aurkariak hauek izango dira: Oihana Orbegozo azpeitiarra eta Nora Mendizabal andoaindarra. Multzoko bigarren eta hirugarren partidak jokatuko ditu Aizpuruk.
Eneritz Arrieta, Lehen Mailan
Eneritz Arrieta pilotari azkoitiarra Master Cup Txapelketako lau eta erdiko Lehen Mailan lehiatuko da. Azaroaren 11n hasiko dira Lehen Mailako kanporaketak, Elgetan.