Joxe Miguel Saizar eta Joseba Urretabizkaia tolosarrek egin dute Atano X. gorputzez txikia, erraldoia kantxan liburua. Xibarit argitaletxeak Jentilak izeneko bildumaren barruan argitaratu duen laugarren liburua da 'Atano X.a'-ri buruzkoa. Patxi Astibiari, Miguel Mindegiari eta Arria II.a-ri buruzko biografiak dira aurretik kaleratu dituztenak. Zenbakitutako edizioa da, eta 500 ale kaleratu dituzte.
'Atano X.a' bitan izan da eskuzko pilota txapelduna; hain zuzen ere, 1966an eta 1968an eskuratu zituen txapelak, eta beste hirutan jokatu zuen finala. Udalak hala erabakita, iaz Atano X.a-k bota zuen andramaxei hasiera eman zien txupinazoa.
