Eskualdeko erretirodunek elkarretaratzea egingo dute bihar, Azpeitian

Jubilatu eta Pentsiodunen Urola Kostako Plataformak elkarretaratzea egingo du bihar, asteazkena, Azpeitian. 10:00etan, Azpeitiko plazan elkartuko dira «pentsio publiko duinak, KPIaren araberako igoerak, murrizketetan galdutakoaren berreskurapena eta 1.080 euroko gutxieneko pentsioa» aldarrikatzeko. Azkoitiko erretirodunek eta pentsiodunek elkarretaratzean parte hartzeko deia egin dute.