Goizean, 11:30ean hasita, kalejira egingo dute Azkoitiko kaleetan zehar, trikitilariekin, Zakelmarirekin eta buruhandiekin. 13:30ean, Torre-Zurin, maiatzeko sariak banatuko dituzte —35 erosketa orga banatuko dira—.
14:00etan, berriz, argazki erraldoia aterako dute plazan. Dendari denak daude deituta argazkia ateratzera. Azaldu dutenez, «herriko dendak herriari bizia emateko hemen daudela esateko», aterako dute argazkia. «Aldarrikapen txikia izango da», azaldu dute elkartetik. Argazkiaren ondoren, 14:30ean, bazkaria egingo dute Kontzejupen herriko dendari guztiek elkarrekin. Bazkalostean, 16:30etik aurrera, umeentzako puzgarriak jarriko dituzte herriko plazan.