Hiru modalitatetara jokatuko da Herriarteko txapelketa: lehenik buruz-buru, ondoren, zazpi koadroren barruan banaka, eta azkenik, binaka. Amasa-Villabonaren aurkako partida hurrengo asteburuan Gurea pilotalekuan jokatuko dute; eguna eta ordua zehaztu gabe daude. Azkoitia final laurdenetara sailkatuz gero, Hernani-Deba kanporaketako irabazlearen aurka jokatu beharko dute pilotariek. Finala ekainaren 24an jokatuko da. Guztira, hamasei herrik eman dute izena gomazko paleta lehian.
