Arnaldo Otegi EH Bilduko koordinatzaile nagusiaren hitzaldia apirilaren 27an izango da, 19:30ean, Elkargunean. 'Autonomiatik Subirautzara' da solasaldiaren izenburua, eta EH Bilduk egin duen proposamenaren inguruko hitzaldia izango da. Otegik autogobernuaz jendartean hitz egiteak zer nolako eragina duen hausnartuko du.
Bigarren hitzaldia pentsioen ingurukoa izango da, maiatzaren 16an, 18:30ean, Elkargunean. 'Guk gure pentsioak' izenburupean, Nerea Kortajarena EH Bilduko Legebiltzarkidea eta Marian Esnaola Duintasuna elkarteko kidea izango dira hizlariak. Horiek pentsioen sistema izango dute hizpide.
