Guztira, 29 lan aurkeztu dira XXXVI. edizio honetara; iaz, berriz, 33. Sari banaketa udaletxean egingo da otsailaren 16an, 19:00etan. Lehiaketan parte hartu dutenekin batera, herritar guztiak gonbidatuta daude ekitaldira.
Epaimahaiak gai nagusiari ematen zaion tratamendua, irakurlearengan pizten duen interesa, errimoa edota euskara maila dira ipuinak baloratzerako orduan aintzat hartzen dituzten irizpideak.
Udalak bi urtez behin argitaratzen ditu ipuinak. Iaz 1999tik 2006ra bitartean saritutako ipuinak jasotzen dituen liburua kaleratu zuen eta datorren urtean aterako du hurrengo liburua jarraipena emateko.
Bizenta Mogel, Bizent Mogel Elgezabal, euskarazko lehen emakumezko idazlea dugu. Azkoitian jaioa 1782an. Garai zailetan, ikasteko aukera soilik gizonezkoen pribilegioa zen sasoietan gailendu zen Mogel.