Oinarrietan azaldu bezala, hiru arlo baloratu dituzte sariak banatzerako orduan. Lehenik, erakusleihoaren aurkezpenari garrantzia eman diote, bertan erabili diren materialak kontuan hartuta. Bigarrenik, salgaiak erakusteko modua ere garrantzizkoa izan da, eta azkenik, Gabon giroa. Atal horretan eguneko eta gaueko giroa baloratu da. Hori horrela, sari banaketa egin da gaur eguerdian Torre Zurin, eta honako hauek izan dira sarituak:
1. Karan haur arropa denda (350 euro)
2. ETK Informatika (250 euro)
3. Ainhoa gizonezkoen ileapaindegia
Hiru sari horiez gain, beste bi sari ere banatu dituzte gaur. Herrixen Elkartearen Saria ETK Informatikak lortu du. Orotariko produktuz osatutako otarra jaso du, eta Karan haur erropa dendak Herritarren Saria lortu du: 150 euro. Herritarren Saria banatzerako orduan herritarren parte hartzea eskatu da, eta ondoren, parte hartzaile guztiekin zozketa egin da. Zozketa horren irabazlea Beatriz Espada izan da.
