Ostiralean, 22:00etan, forumari dagokion Sieranevada filma emango dute. Charlie Hebdoren aurkako atentatua gertatu eta hiru egunera, eta bere aita hil eta 40 egunera, Laryk —40 urte, medikoa— bere familiarekin pasatuko du zapatua, hildakoaren oroimenak elkartuta. Eguna, ordea, ez zaie espero bezala joango. Laryk, egia kontatu beharko du bere beldurrei aurre egin eta familian duen tokia mantendu nahi badu.
Emanaldi gehien izango dituen filma, bestalde, American Assassin izango da. Zapatuan 22:00etan, igandean 19:30ean, eta astelehenean 20:00etan eskainiko dute. Ekintza terrorista batean emaztegaia hil ondoren, Mitch Ripp Black Ops taldeak errekrutatuko du eta Stan Hurley CIAko agenteak entrenatuko du. Rappek eta Hurleyk nazioarte mailan anabasa sor lezakeen operazio bat eten beharko dute.
Haurrentzako filmari dagokionean, azkenik, Kikoriki izango da aste honetako protagonista. Igandean, 17:15ean, emango dute. Kikoriki uharte baketsuak abentura berri bat biziko du ordura arte inoiz ikusi gabe zuten gailu bat ikusten dutenean: telebista.