'Adin adin' egitasmoari esker, bertsoekin gozatu dute San Jose egoitzako egoiliarrek

Gipuzkoako Foru Aldundiaren eta Lankuren arteko 'Adin adin' egitasmoak laugarren urtez izan du segida. Sebastian Lizaso eta Eneritz Artetxe bertsolariak San Jose egoitzara joan dira bertan dauden adineko pertsonei bertsoak kantatzera. Aurrez San Jose egoitzako dinamizatzaile eta animatzaileek lanketa berezi bat egin dute egoiliarrekin bertso zahar eta kantu herrikoien inguruan, horrela bertsolariak doazenerako parte-hartzea aktibatzeko. Egitasmoaren helburua da bertsoaren bidez adineko pertsonen gaitasuna sustatzea, egoitzetan bizi diren adinekoen bizi kalitatea hobetuz eta gaitasun psikoemozionalak landuz.