'Bou Bizkaia' Bermeoko ontzia bigarren aldiz jarraian Eusko Label Ligako txapeldun bilakatu da, eta Caixabank Koroa Bermeora joan da seigarren aldiz bere historian. Atzo Portugaleten jokatu zen denboraldiko hogeigarren estropada, eta Unanueren Urdaibaik denboraldiko azken bandera ere eskuratu zuen. Orio 5 segundora sailkatu zen, Kaiku 14ra eta Unanuek liga eskuratzeko zuen arerio zuzenenak, Hondarribiak, 27 segundo gehiago behar izan zituen helmugara iristeko.
