Luciano Juaristi 'Atanillo'-k botako du aurtengo andramaixetako txupinazoa

Maxixatzen.eus 2017ko uzt. 20a, 09:41

Luciano Juaristi Atano X edo Atanillo bezala ezagutzen denak izango du aurtengo andramaixetako txupinazoa botatzeko ohorea, bere eta Azkoitiko pilota munduaren izenean.

 

«Tantoz tanto, gure izaera zizelkatzen joan da pilota munduaren bueltan, gure identitatea hezurmamituz. Azkoitian pilotak esanahi berezia duelako, aurtengo festetan protagonismo berezia eman nahi zaio, pilotari eta pilotazaleak gogora ekarriz», adierazi dute Udaletik.

«Pilotaren sehaska dela Azkoitia esan izan da laudorio gisa. Aurrerantzean ere tradizioari eta historiari bizirik eutsiko zaiolakoan, pilota izango da nagusi aurtengo txupinazoan, Atanillo buru dela».

Metxa piztu aurretik, Atanillo eta pilota mundua omenduko dira Udaletxeko udalbatza aretoan. Modu batera edo bestera «pilota maite duen herritar oro gonbidatuta dago ekitaldira», ekitaldia irekia izango baita.

Loturan, Luziano Juaristiri Maxixatzenek egindako elkarrizketa bideoan.

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide