Kadete mailako partida izan zen estuena. Azkoitia-Uranga bikoteak 22-17 galdu zuten lehen partida. Jubenil mailan, 22-9 galdu zuten Oteiza-Azkoitia bikoteak. Oteiza aurrelariak min hartu zuen partidan zehar, eta bere ordez bere anaia zaharra kantxaratu zen. Azken partidan, senior mailan, Juaristi-Juaristi bikoteak 22-10 galdu zuten azpeitiarren aurka.
Joaneko partidetan hiru eta huts galduta, maldan gora jarri zaie azkoitiarrei Herriarteko txapelketa. Itzulerako partidak datorren ostiralean jokatuko dira Gurean, 22:00etatik aurrera.